असार २८ मा बुटवलबाट बस चलाएर काठमाडौँ आउँदै गरेका ३६ वर्षीय मेगनाथ विक भरतपुर–२९ स्थित १७ किलोमा माथिबाट आएको डुङ्गाले लागेर घाइते भए । उपचारको क्रममा उनको मृत्यु भएको थियो । 

सोमबार असार ३१ सिंहदरबारमा पदभार ग्रहण गर्दै गृहमन्त्री रमेश लेखकले सिमताल लगायत घटनाको अध्ययन गर्नका लागि सहसचिव छबि रिजालको नेतृत्वमा समिति गठन गर्ने निर्णयमा हस्ताक्षर गरेका थिए l सो आयोगले आज साउन २२ मा चितवनको सिमलतालमा भएको बस दुर्घटनाको छानबिन गर्न बनेको समितिले मंगलबार प्रतिवेदन बुझाएको छ । 

सिमताल दुर्घटनाबारे अध्ययन गर्न गठित सहसचिव छवि रिजाल नेतृत्वको कार्यदलले लु.२ ख ६५६६ नम्बरको बसका चालक मेगनाथ विकलाई ‘मरणोपरान्त सम्मान’ गर्न  नेपाल सरकारलाई सिफारिस गरेको छ l 

नवलपरासी सुनवल नगरपालिका–४ घर भएका विकले कुशलतापूर्वक सो बस नदीमा खस्नबाट जोगाई ३० जना यात्रुको जीवन बचाउन सफल भएको कार्यदलको निष्कर्ष छ । विकले आफू मरेर भए पनि अन्य यात्रुको ज्यान जोगाएकोमा त्यतिबेलै सर्वत्र प्रसंशा र चर्चा भएको थियो l

आफू मरेर यात्रुहरुलाई जोगाएको भन्दै सरकारले चालक विकका परिवारलाई राहत रकमसहित सम्मान गर्ने निर्णय गरेको विपद् जोखिम न्यूनीकरण तथा व्यवस्थापन प्राधिकरणका प्रवक्ता डा. डिजन भट्टराईले जानकारी दिएका छन् l 

असल मान्छेहरू आफू मरेर पनि अरूको ज्यान जोगाउँछन् l नेपाल आमाका असल  र कर्तव्यनिष्ठ सपुत मेगानाथ विकलाई अकबरे.कमको पनि हार्दिक सम्मान l र सलाम !  

फाइल फोटो प्रयोग गरिएको छ l akabarey.com