महामहिम राष्ट्रपति डोनाल्ड ट्रम्पज्यू,

राष्ट्रपतिको कार्यलय, संयुक्त राज्य अमेरिका

विषय :- खुला पत्र

महामहिम राष्ट्रपतिज्यू संयुक्त राज्य अमेरिकामा तपाई दोस्रोपटक राष्ट्रपतिको पदमा चयन भएकोमा पुनः म र म जस्तै उत्पीडित जनताको तर्फबाट तपाईंलाई हार्दिक बधाई दिदै सफल र उदाहणीय कार्यकालको शुभकामना व्यक्त गर्दछु । म पहिलोपटक यस खुल्ला पत्रमार्फत अमेरिकाको रास्ट्रपति तपाई डोनाल्ड ट्रम्पलाई नेपाली उत्पीडित जनताको तर्फबाट केही महत्वपूर्ण विचार सहित केही समस्याहरू र आफ्ना विचारहरू राख्न चाहन्छु ।

महामहिम राष्ट्रपतिज्यू ,

तपाईं दोस्रोपटक राष्ट्रपति हुनुभएको केही समयमै तपाईंको सरकारले हालै नेपाली समाजलाई दिइने र दिदै आएको विदेशी अनुदान रोकेको छ । यस निर्णयले हामीलाई तपाईंको नेतृत्व र निर्णय प्रक्रियामा गहिरो विश्वास राख्ने अवसर प्रदान गरेको छ । हामी तपाईंलाई यस निर्णयका लागि धन्यवाद दिन चाहन्छौं, किनकि अनुदानको सही सदुपयोग र पारदर्शिता नेपालका उत्पीडित समुदायको वास्तविक उत्थान देशमा विकास र समृद्धि जस्ता विषयका लागि अत्यन्त महत्त्वपूर्ण छ । हामी उत्पीडित आम नागरिकको तर्फबाट तपाई  अमेरिकाको राष्ट्रपतिलगायत सबै राष्ट्र र कुटनैतिक नियोगलाई समेत गहिरो अपिल गर्दछौं l  म  यो आग्रह गर्दछु कि  यदि विदेशी अनुदान शासन सत्तामा रहेका शासकहरूले शी सदुपयोग गर्ने थिए र गरेकाथिए भने नेपाल साच्चिकै सुन्दर हराभरा स्वर्गरुपी अत्यन्तै वि कास र समृद्धिले भरिपुर्ण हुनेथियो र सुन्दर नेपाल सुखी नेपाली हुने थिए ।

महामहिम राष्ट्रपतिज्यू ,

विडम्बनापूर्ण आज जनता झन्झन् गरिबी जातीय र धार्मिक विभेदले झन्झन् आक्रान्त छ्न दिनानुदिन जातीय धार्मिक विभेदको सिकारमा परि गाउँबाट लखेटिएका छन् कुटिएका पिटिएका छन् l यतिसम्म हत्याहिंसाको मारमा परेका छन् जातीय र धार्मिक विभेदबाट पीडित भइ आत्महत्याको सिकार बन्न बाध्य छन् । अनुदानबाट प्राप्त रकमको कुनैलेखाजोखा छैन भने गरिबी भोकमरी समाधान गर्ने र देशको विकाश अनि समृद्धिको नाममा देशमा अन्तर्राष्ट्रिय ऋण लिने र त्यो ऋणको भारी बोकेर जनता हिंड्नु पर्ने कुरा यथार्थ छ्न अर्को कुरा सरकार र तिनका आसेपासे विदेशका बैंकहरूमा पैसा जम्मा गर्ने गरेको पनि सुन्नमा आएकै छन् । यसरी देश अन्तर्राष्ट्रिय गरिबीको सबैभन्दा कम्जोर अवस्थामा पुग्नुपर्ने र देशमा युवा शक्ति बौद्धिक पढेलेखेका प्राय विदेशमा रोजगारी खोजेर भौतारिनु पर्ने स्वदेशमा भने नस्लवादी,भ्रष्ट,दलालहरूले राज चलाउने दिन आउने पद्धतिको अन्त्य हुनुपर्छ तर सत्ता र शक्तिको दुरुपयोगको कारण देशले कुनै गति लिन सकेन ।

महामहिम राष्ट्रपतिज्यू ,

विगतमा मैले विभिन्न नाममा आउने गरेको अनुदान बारे वैदेशिक कुटनैतिक नियोगलाई हाम्रा हरेक कार्यक्रम उठाउदै आएको कुरा विदेश बाट आएको जति पनि अनुदान छ त्यो अनुदानको रकम उत्पीडितहरुको मुक्ति अधिकार देशको बिकास र समृद्धिमा लगाएनन बरु तपाइहरूले दिएको अनुदानले हामी उत्पीडित जाति समुदाय र भूगोलका जनतालाइ पेलान भो अन्याय भो तपाईंहरुले दिएको अनुदानको दुरुपयोग गरेर सत्तामा पुगेर हामी उत्पीडित नागरिकको हक अधिकारमाथि सत्ता र शक्तिको दुरुपयोग गरेर हामीमाथिनै अन्याय गर्न लागे यसर्थ सबै देशका कुटनैतिक नियोगलाई तत्काल अनुदान रोक्न खुलेआम हाम्रा आन्दोलनमा उठाउने विषय मध्ये एक विदेश बाट प्राप्त सबै अनुदान रोक्न आग्रह गर्दै आएका थियौ । हाम्रा यी मागहरू हाम्रा आन्दोलनका हरेक कार्यक्रममा उठाउदै वैदेशिक कुटनैतिक नियोग र सम्बन्धित निकायलाई करिबकरिब तीन-चार बर्षदेखि भन्दै आएको कुरा बल्लतल्ल अमेरिकाको राष्ट्रपति डोनाल्ड ट्रम हुनुभएको केही महिना नपुग्दै एमसिसी परियोजना लगायतबाट आउने सबैप्रकारको अनुदान रोकेकोमा अमेरिकी रास्ट्रपति डोनाल्ड ट्रम्पलाई नेपाली उत्पीडित जनताको तर्फबाट हार्दिक धन्यवाद आभार व्यक्त गर्दछौं ।

महामहिम राष्ट्रपतिज्यू ,

कुनै पनि किसिमको अनुदान इमानदारपूर्वक सदुपयोग हुने वातावरण सृजना नहुन्जेल यस्ता किसिमको अनुदान नगर्न समेत पुन आम नेपाली उत्पीडित समुदाय र देशको हित चाहाने हरेक नागरिकको तर्फबाट यस खुल्लापत्र मार्फत अमेरिकी सरकार र राष्ट्रपति डोनाल्ड ट्रम्पलगायतका सबै कुटनैतिक नियोगहरूलाई समेत हार्दिक अपिल गर्दछु । भविष्यमा सहयोग उपलब्ध गराइन्छ भने, त्यसको सही सदुपयोगको वातावरणको निर्माण हुनु पर्छ ।

अनुदानका रकमको वितरण र खर्चमा स्पष्टता र पारदर्शिता हुन आवश्यक छ, जसले नेपालको उत्पीडित समुदायलाई प्रत्यक्ष रूपमा फाइदा पुर्याउने सुनिश्चित गर्दछ । हामी चाहन्छौं कि भविष्यमा कुनै पनि अनुदान तब मात्र दिनुहोस् जब यसका परिणाम उत्पीडित समुदायको जीवनस्तर सुधार्न र समाजमा समानता र समावेशीता बढाउन सघाउने होस् । देशमा, विशेष गरी उत्पीडित जात, समुदाय र भूगोलका मानिसहरू अझै पनि आर्थिक, सामाजिक र राजनीतिक रूपमा असमानता र अन्यायको शिकार छन् । यस्ता समुदायका लागि भविष्यमा दिइने कुनै पनि सहयोगले सिधै तिनीहरूको जीवनमा सकारात्मक परिवर्तन ल्याउनु पर्छ ।

मेरो चाहाना र आवश्यकता वैदेशिक सहयोगबाट प्राप्त अनुदानको वितरण र खर्चमा पूर्ण पारदर्शिता र इमानदारीको अभ्यास गरिन्छ, तब मात्र त्यसले उत्पीडित समुदायको सशक्तिकरण र समाजमा समानता ल्याउनेछ तर विडम्बनापूर्ण अहिलेसम्म कुनै पनि अनुदान बाट उत्पीडित जनता लाभान्वित भएनन् बरु त्यो अनुदान गलत र भ्रष्टहरूको हातमा परेको कारण त्यो अनुदान नै उत्पीडितहरूको निम्ति अभिशाप हुनग एको भन्ने बुझाइ भएको छ । म नेपाली उत्पीडित समुदाय र नागरिकको तर्फबाट अमेरिकी सरकार र सम्बन्धित दातासँग समेत यो अपिल गर्दछु कि भविष्यमा उपलब्ध गराइने यस्ता अनुदानले निम्नलिखित आधारमा कार्य गर्नुहोस् : पारदर्शिता र लेखाजोखा: अनुदानको खर्च र वितरणमा पूर्ण पारदर्शिता होस् ।यसमा उत्पीडित समुदायका अधिकार र आवश्यकता प्राथमिकतामा राख्नुहोस् । सामाजिक समावेशिता: अनुदानको प्रभाव उत्पीडित समुदाय र जनजातिहरूको जीवनमा प्रत्यक्ष रूपले सुधार ल्याउनुपर्ने छ । हामी चाहन्छौं कि कुनै पनि सहयोग सशक्तिकरणका लागि समावेशी र समान वितरणमा आधारित होस् । स्थायी समाधान: अस्थायी मद्दतका सट्टा, अनुदानले उत्पीडित समुदायको सामाजिक र आर्थिक समस्याको स्थायी समाधानका लागि काम गर्नुपर्छ । स्थानीय सशक्तिकरण: अनुदानको फाइदा स्थानीय स्तरमा पुग्ने सुनिश्चित गर्नुहोस् ।उत्पीडित समुदायका सदस्यहरूलाई सक्रिय सहभागिता र नेतृत्वको अवसर दिइनेछ भन्ने कुरा महत्त्वपूर्ण छ । हामी विश्वास गर्छौं कि अमेरिका र नेपालबीचको द्विपक्षीय सहयोग, यदि यसरी रचनात्मक र पारदर्शी ढंगले अघि बढाइन्छ भने, यसले नेपालको उत्पीडित समुदायका लागि नयाँ सम्भावनाहरू सिर्जना गर्नेछ । हामी नेपाली जनताका तर्फबाट हामी तपाईंबाट भविष्यमा प्राप्त हुने सहयोगको सही र इमानदार प्रयोगको प्रतिज्ञा र प्रतिबद्धतागर्दछौं । तपाईंको निर्णयले नेपाली समाजमा सकारात्मक परिवर्तन ल्याउनका लागि निश्चित रूपले नयाँ दिशाको शुरुआत गर्नेछ, र यसमा अमेरिकी सरकारको भूमिका महत्त्वपूर्ण रहनेछ । म आशा र विश्वास गर्दछु l  तपाईको नेतृत्वमा, नेपालका उत्पीडित समुदायका लागि सशक्त र स्थायी समाधानहरूको दिशा तय गर्न मद्दत हुनेछ । धन्यवाद ।

सस्नेह, ससम्मान 

दलमर्दन कामी (अध्यक्ष) आमूल परिवर्तन नागरिक पार्टी