कर्तव्यनिष्ठ गार्डलाई भाटभटेनीले ५ लाख १ हजार १११ रुपैयाँ, एउटा फुली र पाँच ग्रेड बढुवासहित सम्मान

काठमाडौं- गत चैत १५ गते राजावादीको प्रदर्शनका क्रममा कोटेश्वरस्थित भाटभटेनी सुपरमार्केटमा तोडफोड र लुटपाट भयो । उक्त घटनामा ७० लाखभन्दा बढीको क्षति भएको भाटभटेनीका मालिक मीनबहादुर गुरुङले जानकारी दिएका थिए l
उक्त दिनको लुटपाट र तोडफोड़का क्रममा भाटभटेनीका सुरक्षा गार्ड दुलप्रसाद पराजुलीले एक्लै प्रतिकार गरेको भिडियोहरू सार्वजनिक भएको र उनले लुटेराहरूलाई पिट्दै लखेटेको भिडिओ सामाजिक सञ्जालमा भाइरल भएको थियो । सो घटनाको भिडियो भाइरल भएपछि गार्ड दुलप्रसादको कर्तव्य र साहसको व्यापक चर्चा र परिचर्चा भएको थियो l
उनलाई सम्मान गर्नु पर्ने विचारहरू विभिन्न तह र तप्काबाट उठेका थिए l यसै क्रममा आज सुरक्षा गार्ड डुलप्रसाद पराजुलीको योगदान र साहसको कदर स्वरूप भाटभटेनीले ५ लाख १ हजार १११ रुपैयाँ, एउटा फुली र पाँच ग्रेड बढुवासहित सम्मान गरेको छ l अन्य उनका सहयोगी सुरक्षा गार्ड पनि सम्मानित भएका छन् l
पराजुली विगत २२ वर्षदेखि भाटभटेनीमा सेवारत छन् l
उच्च अदालत तुलसीपुरको बुटबल इजलासले पूर्वडीआईजी छविलाल जोशीलाई पनि थुनामा पठाउने आदेश गरेको छ ।
अनुगमनका क्रममा सुनिल क्यान्टिन र मनकामना क्यान्टिनबाट दूध, पानी र खानेतेलको स्थलगत नमूना सङ्कलन र प...
वायु प्रदूषणका कारण काठमाडौँ उपत्यका केही दिनयता विश्वकै पहिलो प्रदूषित सहरका रूपमा सूचीकृत भएको छ ।