काठमाडौँ चैत २९- चैत १५ गते तीनकुनेमा हिंसा भड्काएको आरोप दुर्गा प्रसाईमाथि लागेको छ । उनले आफैँले गाडी चलाएर प्रहरीलाई किच्नेशैलीमा पेलेका थिए । त्यसपछि अवस्था उग्र बन्दै दुई जनाको ज्यानसमेत गएको थियो । भिडलाई उत्तेजित पारेलगत्तै उनी फरार थिए ।  उनी नेपालमा नै छु भनेर भिडियो सन्देश जारी गर्दै बसेका थिए । प्रहरीले उनको व्यापक खोजी गरेको बताएको थियो भने सरकारलाई प्रसाईलाई आफैले भगाएको र सरकारको निगरानी र नियन्त्रण भित्र प्रसाईलाई राखेर बार्गेनिङ गरेको आरोप पनि लागेको थियो । सामाजिक सञ्जालमा उनको तर्फबाट सन्देशहरू बारम्बार प्राप्त भइरहँदा प्रहरीले ट्र्याक गर्न नसकेको भनेर प्रहरी पनि आलोचनामुक्त हुन सकेको थिएन । 

यसैबिच दुर्गा प्रसाईको फेसबुक एकाउन्टमा प्रसाईले आत्मसमर्पण गरेको जानकारी राखेको छ l जहाँ भनिएको छ : ‘अहिले २ घन्टा अगाडि हाम्रा अभियानका संयोजक श्री दुर्गा प्रसाईं ज्यूले आफ्नो सुरक्षाको लागि आफैं भारतको आसाम राज्यको प्रहरीसमक्ष आत्मसमर्पण गर्नुभएको छ । ‘हिजो मात्र हामीले भिडियोमार्फत हाम्रो ज्यानको सुरक्षाको ग्यारेन्टी भए २४ घन्टाभित्र उपस्थित हुन्छौं भनेका थियौं र आज उपस्थित भयौं ।’

यसरी एकातिर दुर्गा प्रसाईले आत्मसमर्पण गरेको खबर प्राप्त भएको छ भने अर्कोतर्फ प्रहरीले उनी पक्राउ परिनसकेको टर उनको खोजी व्यापक भएको जानकारी दिएको छ l akabarey.comलाई प्राप्त सूचना अनुसार उनी नेपाल प्रहरीको फन्दामा परिसकेका छन् l भारतीय भूमिमा उनी पक्राऊ परेको कारण प्राविधिक समस्या र सुरक्षा संवेदनशीलताको कारण पक्राउबारे हल्लाखल्ला नगरी उनलाई नेपाल ल्याउन प्रहरी लागिपरेको देखिन्छ l नेपाल र भारतबीचमा सुपुर्दगी सन्धी नभएकाले एकअर्काको देशमा पक्राउ परेका आरोपितहरूलाई परस्परको मौखिक र अनौपचारिक रूपमा लेनदेन गर्ने चलन छ । त्यसैले प्रहरी उनको पक्राउ बारे बोल्न मानिरहेको छैन र प्रसाई छिट्टै पक्राऊ पर्ने जिकिर गरेर बसेको छ l यद्दपी प्रसाई पक्राउ परिसकेका र उनलाई सुरक्षितरूपमा ल्याउने काम भइरहेको दाबी छ  l 

दुर्गा प्रसाई पक्राउपछि यस्ता आरोपमा मुद्दा लाग्न सक्छ :

 संगठित अपराध, राज्यविरुद्धको कसुर, अपराधिक उपद्रव लगायतका अभियोगमा अनुसन्धान  हुने  प्रहरीहरू बताउछन् l तीनकुने प्रदर्शनका बेला उनले  आक्रोशित बनेर प्रहरीहरूलाई नै किच्याउने गरी गाडी समेत हाँकेका थिए । यस्तोमा उनीविरुद्ध ज्यान मार्ने उद्योग गरेको कसुरमा पनि मुद्दा चल्न सक्ने सम्भावना रहन्छ l  

प्रसाईंको ज्यानको सुरक्षाका लागि आह्वान

राजसंस्था पुनर्स्थापनाका लागि संयुक्त जनआन्दोलन परिचालन समितिले राष्ट्र, राष्ट्रियता धर्म संस्कृति बचाऔँ महाअभियानका संयोजक दुर्गा प्रसाईंको ज्यानको सुरक्षाका लागि आह्वान गरेको छ । सो समितिका प्रवक्ता स्वागत नेपालले बिहीवार एक विज्ञप्ति जारी गर्दै संयोजक प्रसाईंको ज्यानको सुरक्षाका लागि आह्वान गरेका छन्  l विज्ञप्तिमा प्रवक्ता नेपालले भनेका छन् : ' प्रहरीसमक्ष आफ्नो ज्यानको सुरक्षासहित प्रसाईंले नेपाल प्रवेश गर्न सहयोग गरिदिन अनुरोध गरेपछि असामको गुहावटीबाट नेपालको सीमासम्म ल्याइपुर्‍याउने कार्यमा भारतीय प्रहरीले सहयोग गरेकोमा धन्यवाद ज्ञापन गर्दछौं l' दुर्गा प्रसाईको जीवन रक्षाको लागि समेत विज्ञप्तिमा आव्हान गरिएको छ l

प्रसाईंले भारतीय प्रहरीसमक्ष आत्मसमर्पण गरेको नभई नेपालसम्म सुरक्षित पुर्‍याइदिन आफैँ अनुरोध गर्नुभएको समेत विज्ञप्तिमा उल्लेख छ  ।

राजसंस्था पुनर्स्थापनाका लागि संयुक्त जनआन्दोलन परिचालन समितिको विज्ञप्ति :