वैशाख, ३काठमाडौं-सिरहामा यौन दुर्व्यवहारमा परेकी महिलाको मृत्युबारे छानबिन गर्न गृहमन्त्री रमेश लेखकले निर्देशन दिएको समाचार प्राप्त भएको छ l 

गृहमन्त्री लेखकले बुधबार बिहान प्रहरी महानिरीक्षक (आईजी) दीपक थापालाई टेलिफोन गर्दै घटनाबारे छानबिन गर्न निर्देशन दिएको जनाएको छ । ‘यौन दुर्व्यवहारमा परेकी महिलाको मृत्युबारे खबर सार्वजनिक भएपछि आजै मन्त्रीले प्रहरी प्रमुखलाई छानबिनका लागि निर्देशन दिनु भएको हो जानकारी स्रोतले उपलब्ध गराएको छ l  

आफूमाथि बलात्कारको प्रयास भएको बताएकी नरहा गाउँपालिका बर्छवा गाउँकी २५ वर्षीया आनन्दीदेवी सदाय मृत अवस्थामा भेटिएकी थिइन् । मंगलबार वैशाख २ गते सिरहाकै नवराजपुर गाउँपालिका–३ दोनबारी टोलस्थित माइतीघरमा झुण्डिएको अवस्थामा मृत भेटिएकी हुन्  ।

गत ९ पुसमा आफूमाथि दुई युवाले बलात्कार प्रयास गरेको उनले बताउँदै आएकी थिइन् । प्रहरीमा जाहेरी दिँदा समेत नलिएको उनको आरोप थियो ।

प्रहरीले भने अनुसन्धान नै नभएको भन्ने विषयलाई अस्वीकार गर्दै  अनुसन्धान भइहरेको दाबी गर्दै भने, ‘जाहेरी लिएर अनुसन्धान भइरहेको दाबी प्रस्तुत गरेको छ  । पक्राउ पुर्जी पनि आएको छ । तर, उनीहरू फरार भएकाले पक्राउ गर्न नसकिएको हो । हाम्रो प्रयास जारी छ,प्रहरी स्रोत भन्छ l जाहेरी दिएकी महिला (हाल मृत)को त्यतिबेलै मेडिकल जाँचको काम समेत भएर कानूनी प्रक्रिया अनुसार कारबाही समेत अघि बढाइएको तर्क प्रहरीको छ ।

नवराजपुर गाउँपालिका-३ जगतपुरकै २२ वर्षीय सञ्जिवकुमार यादव र ३२ वर्षीय श्यामसुन्दर यादवले घेरा हालेर बलात्कारको प्रयास गरेको आरोप मृतक  आनन्दी देवी सदायले लगाएकी थिइन् आरोपित दुवै जना भागेर भारत पुगेकाले पक्राउ गर्न समस्या भएको प्रहरीको भनाई रहेको छ