असोज ३ गते ‘दलितका लागि दलित' आन्दोलनले कर्णाली प्रदेशको राजधानी सुर्खेतमा बृहत न्यायसभा गर्दैछ l विगतमा पनि सुर्खेतमा लामोसमय सङ्घर्ष गरेको दलितका लागि दलित अर्थात् ‘आफ्नो लागि आफै’ अभियानले ५० हजार दलित उतारेर राज्यलाई खबरदारी गर्ने भएको छ l

त्यसको लागि प्रचारप्रसार मोटरसाइकल र्याली, सार्वजनिक आव्हान आदि गरेर भोलि ५० हजार मान्छेका एक लाख हात र एक लाख हातका दश लाख औँलाले राज्यलाई खबरदारी गर्नेछन् l

आफ्नो आवाज सुनाउने छन् l समता र मर्यादामूलक समाज निर्माणको लागि विगुल फुक्नेछन् l 'दलितका लागि दलित' आन्दोलनका प्रमुख खगेन्द्र सुनारले दिएको जानकारी अनुसार तयारी व्यापक छ र उपस्थितिको लागि दलित समुदाय उत्सुकतापूर्वक पर्खिरहेका छन् l

न्याय समता र मर्यादाको लागि बोल्ने लेख्ने आवाज उठाउने सबै तह र तप्काका व्यक्ति वुद्दीजीवी,प्राज्ञ,बौद्दिक व्यक्तिहरू सङ्घ संस्था र जागरुक नेपालीले साथ दिन आवश्यक रहेको छ l यो सामाजिक समस्या हो देशको समस्या हो l गैर दलितको पनि समस्या हो l

यसर्थ राष्ट्रिय समस्याको रूपमा बुझेर यसको हल गर्न लागि पर्नुमा सबैको भलाई हुने बौद्दिकहरूको तर्क छ l सामाजिक न्याय तेरो र मेरो भन्ने विषय होइन सबैको साझा बिषय हो l 

'दलितको लागि दलित' आन्दोलनले  'असोज तीन- आफ्ना लागि एक दिन' नारा तय गरेको छ l नव सेना गठन गरेर प्रदर्शन गरीसकेको आन्दोलनले दलितमाथि सधैँ दमन,अन्याय, अत्याचार र जातीय छुवाछुत कायमै राखेमा प्रतिरोधका लागि जुनसुकै विधि अवलम्बन गर्न सकिने चेतावनी बारम्बार दिंदै आएको छ l