म फूल हुँ मलाई फुल्न देऊ 

फुलेको फूल कति राम्रो देखिन्छ  

तर,

राम्रो कुरा तिमीलाई किन राम्रो लाग्दैन ?

किन मलाई निमोठ्न चाहन्छौ ?

चुँडाल्न चाहन्छौ ?

किन चुडेर किचिपिची मार्‍छौ ?

जवाफ देउन मलाई,

किन असह्य पीडा दिन्छौ मलाई 

म न फूली रहन पनि त सक्दिन 

मेरो प्रकृति हो फुल्नु ,

यो जमिन मेरो पनि हो l

मेरो पनि अधिकार छ, रहर छ

किन बुझ्दैनौ मलाई किन ? किन ?

सोच त म बिना तिम्रो अस्तित्व पनि कहाँ छ र ?

किन आफ्नो बर्बादीको बाटो खोल्दै छौ तिमी ?

आज मेरो अस्तित्व रक्षाको म आवाज उठाइरहेछु

भोलि तिम्रो त्यही दिन पक्का आउनेछ l 

नआओस् पनि किन यो संसार त ?

तिमी र म मात्रै नभएर यस सृष्टिमा 

हरेकसँग सन्तुलन कायम राखेर

यो संसार चलाउनु पर्छ l 

हेर ! म त फूल हुँ,

फूलको अर्थ के हो थाहा छ ?

प्रेम,

प्रेमकै सुवास छर्छु माया नै बोल्छु,

माया नै दिन्छु

माया नै चाहन्छु फेरि पनि भन्न चाहन्छु,

कृपया मलाई दुख नदिनुहोला ।

बुझ पचाएर मलाई दु:ख दिन खोज्नु भयो भने,

मेरो अस्तित्वसँग खेल्नु भयो भने ?

तपाई पनि म सँगसगै बर्बाद हुनुहुनेछ l 

फूल हु नि त हजुर‌ नरम छु

तर,

मलाई निमोठ्दै गर्दा मेरा वासनाले

तपाईका‌ मनमस्तिष्कमा विष छर्छन l 

अनि ति कुरूप हात र पापी नजर‌,

जो मेरा पत्र पत्र उप्काएर मलाई मेटाएर छरेर

केही पल त अवश्य रमाउला

तर प्रकृतिकोको नियम छ नि 

जुन छरिएको मेरा पत्र बीउ बनी

अझ धेरै उम्रिनेछन्

फैलने छन् 

र 

अझ धेरै फुल्नेछन्

रोक कसरी रोक्छौ मलाई  ?

मलाई रोक्नु, मलाई मेटाउनु

 मेरो अस्तित्व मेरो जमीन,

मेरो सिमाना मेरो मर्यादा

मेरो इज्जतसँग खेल्नु भेनको

प्रकृतिलाई चुनौती दिनु हो l 

देऊ चुनौती म गर्छु तिम्रो सामना

अनि तिमी गर मेरो सामना ।