काठमाडौँ,माघ,९ 

बबरमहल आर्ट काउन्सिलको ग्यालरीमा ललितपुर महानगपालिकाका प्रमुख चिरीबाबु महर्जनले माघ ८ गते सामुहिक चित्रकला प्रदर्शनीको उदघाटन गरे l चित्रकला प्रदर्शनी सप्ताहव्यापी रहेको छ l

साइकल संस्कृति समुदायद्वारा आयोजित उक्त कार्यक्रममा ३० बढी व्यक्तिहरूका ६० भन्दा बढी साइकल र संस्कृतिसम्बद्द चित्रकला प्रदर्शनीमा राखिएको छ l

३० हजारदेखि पाँच लाख मूल्य निर्धारण गरिएको चित्रकला प्रदर्शनीमा बोल्दै ललितपुर महानगरपालिकाका मेयर चिरिबाबु महर्जनले साइकल संस्कृति यसको महत्व र व्यवहारिक उपयोगिताको लागि आफू साइकल सिटी निर्माण गर्ने ( साइकल लेन ) अभियानमा भए पनि विविध कारण सडकमा सङ्घ र स्थानीय निकायलगायतको द्वैध स्वामित्व, अधिकार सम्बन्धी खिचलो,साइकल सम्बन्धी कानुनको अभाव आदिको कारण प्रयाप्त काम गर्न नसकिएको गुनासो गरे l साइकल लेन निर्माणमा काठमाडौँ महानगरपालिका उदासीन बनेको आरोप पनि मेयर महर्जनको थियो l आफू चित्रकलालाई माया गर्ने व्यक्ति पनि भएको कारण प्रदर्शनीमा बिक्न बाँकी रहेको चित्रकला ललितपुर महानगरपालिकाले खरिद गर्ने प्रतिवद्दतापनि मेयर महर्जनको थियो l

साइकल संस्कृति समुदायका अध्यक्ष डा.तारालाल श्रेष्ठको सभापतित्वमा भएको उदघाटन समारोहमा नेपाल ललितकला प्रज्ञा प्रतिष्ठानका तीन पूर्व कुलपतिहरू किरण मानन्धर,केके कर्माचार्य र रागिनी उपाध्यायले साइकल र कला प्रदर्शनी बारे मन्तव्य राखेका थिए l

कला प्रदर्शनीका संयोजक रविन कोइराला, कला समीक्षक,मुकेश मल्ल, विश्व साइकल यात्री पुष्कर शाहलगायतले मन्तव्य राखेको कार्यक्रमको स्वागत मन्तव्य अमीर भाषण अमीर मसालद्वारा गरिएको थियो l साइक्लिष्टद्वय तला सुनिता गुरुङ र कमला पुनले पालैपालो कार्यक्रम संचालन गरेका थिए l