काठमाडौं, चैत १३ 

युवा तथा खेलकुदमन्त्री विराजभक्त श्रेष्ठले खुलकुद मन्त्रीको वरिष्ठ सल्लाहकारमा डा. प्रणय राणालाई नियुक्त गरेका छन् । २०८० चैत १ गते कै नियुक्ति पत्र भए पनि हिजोमात्र राणाले औपचारिक नियुक्ति पत्र बुझेको जानकारी दिएका छन् l  सेवा सुविधा नलिने गरी अवैतनिक सल्लाहकारमा आफूले जिम्मेवारी लिएको ( नियुक्ति पाएको ) राणाले फोन वार्तामा अकबरे डट कमलाई जानकारी दिएका हुन् l 

किन अवैतनिक भन्ने अकबरेको प्रश्नमा डाक्टर राणाको जबाफ छ : 'म जागिर खान राजनीतिमा आएको होइन, सेवा गर्ने मेरो ध्येय हो, तसर्थ आफू पूर्व खेलाडी र खेल प्रेमी भएको कारण खेलकुदको मार्फत् सेवा गर्ने अभीष्ट राखेर विगत १५,१६ दिन देखि खेलकुद मन्त्रालय सम्बद्ध विषयमा अभिरुचिपूर्वक अध्ययन विश्लेषण समस्या पहिचान र समाधानको लागि खटिरहेको थिएँ l खेलकुद मन्त्रीज्यूले आफूलाई सहयोग गर्न आग्रह गर्नुभयो  l  उहाँ मार्फत् नेपाली खेलकुदलाई माथि उठाउन प्रयत्न गर्ने उदेश्यले मैले अवैतनिक नियुक्ति लिएको छु l अब अहोरात्र खेलकुदको लागि काम गर्ने हो l' राणाले भने l 

 राणा फ्रेण्ड्स क्लब कुपण्डोलका पूर्व खेलाडी समेत हुन् । ‘ए डिभिजनमा तीन वर्ष खेलेको अनुभव र अमेरिकामा प्राध्यापन गर्दा स्पोर्टस डिप्लोमेसीमा विद्यार्थीलाई प्रेरित गरेको अनुभव पनि राणासँग रहेको छ l साथै द्वन्द्ध विज्ञको विशेषज्ञता पनि भएकोले खेलकुदमा रहने द्वन्द्ध मेट्न राणाको भूमिका प्रभावकारी हुने खेल विश्लेषकहरूको तर्क छ l जान्नेलाई छान्ने रास्वपाको नीति यहाँ सही तरिकाले अवलम्बन भएको देखिन्छ यद्दपि परिणाम कस्तो दिने राणाको कार्यकुशलतामा निर्भर रहने कुरा हो l  

राणा राष्ट्रिय स्वतन्त्र पार्टीको एनआरएन विभागको केन्द्रीय उपप्रमुख र नेपाली सेनाका पूर्व सैनिक अधिकृत समेत हुन् । अन्तराष्ट्रिय द्वन्द्व व्यवस्थापनमा राणाले अमेरिकाबाट पीएचडी ( विद्यावारिधि गरेका ) छन् । उनी गत निर्वाचनमा काठमाडौं–५ मा रास्वपाबाट संसदमा प्रतिष्पर्धा गरेका व्यक्ति पनि हुन् l 

नेपाली खेलकुदलाई माथि उठाउने सङ्कल्प सहित खेलकुद मन्त्रीको वरिष्ठ सल्लाहकार बनेका राणा खेलकुद परिषद भित्र विभिन्न खेलकुद सङ्घ बिचको द्वन्द्ध र वैमनस्यताले प्यारलल सङ्घहरू बन्ने र जसको कारण खेलाडी विभक्त हुनुपर्ने, अनावश्यक राजनीति गर्नुपर्ने र खेल विकास र विस्तारमा धक्का लाग्ने, राष्ट्रिय र अन्तरराष्ट्रिय बेइज्जती हुने कुराले राणा चिन्तित रहेका छन् l उनी द्वन्द्ध विशेषज्ञ समेत भएकोले खेलकुदमा रहेका द्वन्द्धको हल गर्न आफू सक्षम रहेको दावी गर्छन् l 

देशको राष्ट्रिय र अन्तराष्ट्रिय पहिचान बढाउने, इज्जत वृद्दि गर्ने र अनुशासनको नमुना खेलाडीबाट सिक्ने खेलाडीहरूलाई उचित प्रबन्ध गर्दै खेलकुद क्षेत्रको समग्र व्यवस्थापन चुस्त दुरुस्त गर्ने उदेश्य सहित आफू आएको राणाको तर्क छ l खेलाडीको लागि उचित पारिश्रमिक, गाँस बास, स्वास्थ्य शिक्षा, तालिम, समुचित सहभागिताको अवसर, भद्दा संरचनाको खारेजी, खेल सम्बद्द र आवश्यक व्यक्तिहरू मात्र अन्तराष्ट्रिय प्रतियोगितामा सहभागिता, खेलकुद ग्राउण्डलगायत थुप्रै नीतिगत, प्राविधिक र व्यवस्थापकीय काम गरेर नेपाल र नेपालीलाई जोड्ने कडी खेल क्षेत्रको विस्तृत खाका र परियोजना बनाएर युवा तथा खेलकुद क्षेत्रमा काम गर्ने लक्ष्य रहेको डाक्टर राणाको धारणा छ l 

२०८० चैत १ गते डाक्टर राणालाई दिइएको नियुक्ति पत्र :

 फोटो : प्रणय राणाले उपलब्ध गराएका हुन् l