काठमाडौँ, वैशाख २५ 

क्रिकेटर सन्दीप लामिछानेले आफ्नो र गौशला २६ बीचको जुनसुकै सम्बन्ध प्रमाणित गर्न चुनौती दिएका छन् । उनले सम्बन्ध प्रमाणित भए ८ वर्ष सजायले नपुग्ने बरु फासी नै सही हुने बताएका छन् । आज एक स्टाटस मार्फत सन्दीपले आफ्नो धारणा सार्वजनिक गरेका हुन् l यस अघि पनि आफूलाई फसाउनेको नाम सार्वजनिक गर्ने सन्दीपले खुलासा गरेका थिए l 

 उनले कथित अभियन्ताहरूमाथि आक्रोशसमेत पोखेका छन् । 'तथाकथित अभियन्ताहरूलाई मेरो यो खुल्ला चुनौती हो, मेरो र गौशाला २६ बीच जुनसुकै सम्बन्ध, चाहे जबर्जस्ती वा अनुचित प्रभावबाट भएको होस् । तथ्य र प्रमाणले साबित गर्नुहोस । म दोषी देखिन्छु भने फासीमा चढाइयोस्, मलाई ८ वर्षले पुग्दै पुग्दैन,' उनले सजाय थपेर फाँसीको माग गरेका छन् l 

उनले आफू यस घटनाको निर्दोष पात्र रहेको उनले स्पष्ट पारेका छन् । उनले यो घटना घटाइएको र वास्तविक अनुहार एकदिन निस्किने बताए । 'यो घटनाको निर्दोष पात्र हुँ । मलाई यो घटना कसले कसरी घटाउन लगाएको राम्रै थाहा छ । त्यसमा तपाईँहरूको पनि सहभागिता छ । धेरै खोल्न बाँकी छ । फेरि भन्छु यो घटना घटेको होइन घटाइएको हो । वास्तबिक अनुहार आफैं निस्केला,' उनले भने। उनले आफू त फसे, बोलेकै भरमा अरू कोही नफसोस भन्दै अनुरोधसमेत गरेका छन् । 

बलात्कार मुद्दामा जिल्ला अदालत काठमाडौबाट दोषी ठहर भएका सन्दीप लामिछानेले आफू कानुनले नभइ अनुमान र एकतर्फी भनाइले दोषी भएको दाबी गरेका छन् । सामाजिक संजालमार्फत सन्दीपले जिल्ला अदालतले गरेको फैसलामा गम्भीर त्रुटि रहेको उल्लेख गरेका छन् ।

 उनको मुद्दाको पुनरावेदन उच्च अदालतलाई विचाराधीन छ ।

’मलाई थाहा छ कि जिल्ला अदालतले गरेको फैसलामा गम्भीर त्रुटी छ, तर पनि धेरै चुप लागेर बसें। कानूनी व्ययवसायीले भन्नुहुन्छ तिमीलाई नगरेको अपराध को दोषी बनाइएको छ, न तथ्यले न प्रमाणले न अनुसन्धानको कुनै सारभूत निचोडले पुस्टि गर्छ’, उनले लेखेका छन् । हेरौ सन्दीपको फेसबुकमा पोष्ट भएको स्टाटस :

फाइल फोटो प्रयोग गरिएको छ l सम्पादक