विश्व साइकल यात्री पुष्कर शाह यतिबेला विश्वमा छरिएर रहेका नेपालीलाई नेपाल फर्कौ र चुमौं आफ्नो माटो भन्ने अभियानका साथ अमेरिकाका विभिन्न सहरमा घुम्दै छन् l उनले आफ्नो फेस बुक वालमा आमाले दिएको १०० रुपैयाँको व्याज अहिलेसम्म तिर्न नसकेको गुनासो गर्दै यस्तो लेखेका छन् l  

२५ बर्ष अघिको कुरा माइतीघरको छ्याङग खाने भट्टिबाट सिर्जित सपनाले आज २५ बर्ष पुरा गर्‍यो ।बस एउटा साइकल थियो र सुन्दर सपना । रित्तो गोजी संसारको गोरेटो नाप्न हिंडेको एउटा चरिकोटे लिखुरे केटो ऐले बुढो भएछ । मोबाइल र इन्टरनेटको बिकास भई नसकेको युगमा चिठठीबाट आमालाई संसारभरीको कथा अक्षरमा बुनेर पठाउन कम्ती आनन्द आउथेन । माइतीघरको छ्याङगले मातिएको मान्छे म, तर अझै सपनाले फिट्टान भएको छैन । म जस्तै मेरो बुढो साइकल मसँगै सडकमा घिस्रीरहेछ ।मनमनै भन्दो हो ‘लैंतु अब त सपनाले पनि फिट्टान भईयो यार। डा. सागर वाग्ले भन्छन “एउटा घुँडाको पाँग्रा तीन लाख किलोमिटर घुम्नु आफैमा कैयन सपनाले फिट्टान हुनु हो ।

तिम्रो घुँडा अब अनुसन्धान हुन्छ लैंतु।” भर्खरै आमालाई फोनमा अनुहार हेरेर कुरा गरेँ । आमा कालुङे च्याउको तरकारी बनाएर ढिँडोको बाहान बसाल्दैछिन । “ कान्छा हिजो साउन १६ गते तँ संसार घुम्न निस्केको २५ बर्ष पुरा भएछ ।अम्रिकाबाट कैले फर्किन्छस ? “ “अब फर्किन्छु आमा, तिमीले दिएको १०० रुपैयाँको ब्याज अझै तिर्न सकिन । मैले संसार प्याडल मारेको घुँडा डाक्टर सागर वाग्लेलाई बेचीदिएँ ।

अम्रिकामा उनको  खेतिपाती राम्रै छ । 

#backtonepal203