करण परियारको गायनले जित्यो 'नेपाल आइडल सिजन ५' को उपाधि

काठमाडौं, असार ९ - गायन रियालिटी शो नेपाल आइडल सिजन ५ को उपाधि बर्दियाका करण परियारको हातमा पुगेको छ l शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरू मोहित भुजेल, सलोमी गुरुङ र सचिन विश्वकर्मालाई उछिनेर करण विजेता बन्न सफल भएका हुन् । दर्शकको दर्शकको निर्णायक भोटका आधारमा करणले जित हासिल गरेका हुन् l
उपाधि जितेसँगै उनले ट्रफीसहित २५ लाख रुपैयाँ नगद र अन्य पुरस्कार प्राप्त गरेका छन् । प्रतियोगितामा पोखराकी सलोमी गुरुङ फस्ट रनरअप बनिन् । उनले ट्रफीसहित नगद १० लाख पुरस्कार प्राप्त गरिन् । यस्तै दार्जिलिङका सचिन विश्वकर्मा सेकेन्ड रनरअप बने । उनले नगद ५ लाख रुपैयाँ प्राप्त गरे । दार्जिलिङकै मोहित भुजेल थर्ड रनरअप भए । उनले स्कुटर पुरस्कार प्राप्त गरे ।
चार महिनादेखि जारी नेपाल आइडल सिजन ५ को विजेता दर्शकको भोटको आधारमा गरिएको हो । नेपाल आइडलका निर्णायकहरु न्ह्यू बज्राचार्य, इन्दिरा जोशी र कालीप्रसाद बाँस्काेटा छन् । शोलाई रीमा विश्वकर्मा र आसिफ शाहले होस्ट गरेका थिए ।
सिजन ५ को अडिसन गत पुस २१ देखि सुरु भएको थियो भने फागुन २४ देखि प्रसारण भएको थियो । सिजन ५का लागि देशभरिबाट १५२ जना छनौट भएका थिए ।
ग्रान्ड फिनालेमा नेपाल आइडल सिजन ३ की विजेता सज्जा चौलागाईं, पूर्वप्रतिस्पर्धी समेत रहेका गायक-गायिकाहरू प्रताप दास, प्रवीण बेडवाल, मेनुका पौडेल, अफ्सर अली, यो सिजनका टप १० प्रतिस्पर्धी लगायतले प्रस्तुति दिएका थिए ।
नेपाल आइडललाई एपीवान टेलिभिजनले निर्माण गर्दै आएको छ । शोका निर्देशक सुरेश पौडेल छन् l
स्मरणीय: फोटो सामाजिक संजालबाट साभार
कार्यक्रममा नेपाल,बेलायत स्विट्जरल्याण्ड, बेल्जियम, हङ्गकङ्ग महिला हिपहप कलाकारले र्याप प्रस्तुत गर्...
कारण परियार र सोह्र वर्षीय किशोरी गायिका जारा रीत प्रसाईको युगल स्वरमा सजिएको गीतले धमाका मच्चाउने व...
मायालुले आफू छोडी जादाँको विछोडको पललाई गीतमा समावेश गरिएको छ